72 Politicians at Law Enforcers Na Umano’y Sangkot Sa Drug Trade, Tinanggalan Ng Lisensiya Ng Baril

Tuluyan nang tinanggalan ng lisensya ng baril ang 72 sa nasa 100 lokal na opisyal at mga law enforcers na nadawit sa operasyon ng iligal na droga kabilang sa listahan ni Pangulong Rodrigo Duterte.
Ayon kay PNP Firearms and Explosive Office (FEO) deputy director PS/Supt. Jose Malayo, sa 72 personalidad ay 44 dito ang elected officials, isang judge, tatlong opisyal ng PNP at 24 naman ang mga tauhan mula sa PNP, AFP at sa iba pang law enforcement agency.
Umaabot naman sa 380 baril ang nakita ng FEO na pagmamay-ari ng mva ito na kasama na ang siyam na pagmamay ari ng naarestong Vice Mayor ng Talitay, Maguindanao na si Abeulwahab Sabal na kinabibilangan ng limang short firearms at apat na class A light weapons o high-powered firearms.
Dagdag ni Malayo na sa 380 firearms na tinanggalan nang lisensiya 49 pa lamang ang ipinatago o naka deposit ngayon sa PNP.
Paliwanag ni Malayo na kung hindi maidedeposito ang mga nasabing baril mahaharap ang mga ito sa kaso dahil sa paghawak ng loose firearms.